Pwokirasyon ak lòt otorizasyon (Power of attorney and other authorizations)
Si ou vle yon moun pale ak depatman an pou ou, ou ap oblije voye yon pwokirasyon ba nou.
Yon pwokirasyon se yon dokiman jiridik ki pèmèt ou nonmen yon moun oswa plizyè moun ki pou reprezante ou devan depatman an.
Si ou se yon fidisyè yo nonmen legalman, ou dwe soumèt prèv pou montre otorizasyon ou genyen pou aji nan plas kontribyab la. Pou w jwenn plis enfòmasyon, gade Sa ou kapab depoze: Lòt dokiman.
Chwazi nan kategori anba yo pou w konnen plis bagay sou pwokirasyon yo.
Sa ou kapab depoze
Fòm Depatman Taks yo
| Si ou bezwen bay otorizasyon | ranpli | Ou ka sèlman bay yon moun |
|---|---|---|
|
otorizasyon (se pa yon antrepriz ni yon biznis) pou fè aktivite fiskal nan non ou—sof aktivite ki gen pou wè ak taks sou pwopriyete—tankou:
|
Fòm POA-1, Pwokirasyon. |
|
| Yon moun (se pa yon antrepriz ni yon biznis) ki pou aji nan non ou (nan non egzekitè a oswa administrè a) pou yon zafè taks sou pwopriyete | Fòm ET-14, Pwokirasyon pou Taks sou Pwopriyete. | zafè taks espesifik (tankou yon otorizasyon pou privilèj). |
Lòt dokiman
Nou aksepte dokiman sa yo tou:
- yon pwokirasyon jeneral yo egzekite selon lwa Eta New York;
- yon pwokirasyon jeneral yo egzekite selon lwa yon lòt eta oswa jiridiksyon lè yo soumèt li avèk yon lèt yon avoka nan eta oswa jiridiksyon sa a ki konfime pwokirasyon an respekte egzijans legal eta oswa jiridiksyon sa a;
- yon pwokirasyon militè; oswa
- yon nominasyon jiridik tankou egzekitè, responsab legal, administratè, oswa fidisyè.
Pou nou trete youn nan dokiman sa yo, nou bezwen tou pou w bay enfòmasyon sa yo si yo pa parèt sou dokiman ou an:
- nimewo idantifikasyon kontribyab la, tankou yon nimewo Sekirite Sosyal oswa EIN;
- nimewo telefòn ou;
- adrès ou; ak
- nimewo idantifikasyon kontribyab, adrès, ak lòt enfòmasyon pou kontakte reprezantan an (oswa fidisyè a).
Nou pa aksepte dokiman sa yo tou:
- pwokirasyon oswa fòm otorizasyon pou IRS (pa egzanp, Fòm 2848 oswa Fòm 8821);
- fòm pwokirasyon pou lòt ajans Eta New York yo (pa egzanp, Fòm IA 900 Depatman Travay); oswa
- fòm pwokirasyon oswa fòm otorizasyon pou depatman revni oswa finans oswa depatman taks yon lòt eta oswa vil (pa egzanp, Fòm POA-2 Vil New York).
Fason pou soumèt
Fòm POA-1, Pwokirasyon
Ou kapab ranpli Fòm POA-1 an gras ak aplikasyon wèb nou an, ki aksesib apati kont Sèvis sou Entènèt ou an. Si ou pa gen yon kont Sèvis sou Entènèt—kreye youn! Depi ou gen yon kont, ou pral oblije:
- Konekte nan kont Sèvis sou Entènèt ou an.
- Chwazi Pwokirasyon anba meni Sèvis la.
- Chwazi Depoze yon pwokirasyonnan lis ki dewoule a.
- Ranpli chan done ki obligatwa yo.
- Enprime fòm lan epi siyen li.
- Eskane epi ajoute fòm ki siyen an pou soumèt li.
Enpòtan: Pinga ou ajoute yon Fòm POA-1 an papye ni yon lòt pwokirasyon aplikasyon wèb ou a pa t kreye. Ou dwe voye li nan faks oswa nan kourye lapòs. Pou w jwenn plis enfòmasyon, gade anba a.
FILE FORM POA-1 (DEPOZE FÒM POA-1)
Atansyon pwofesyonèl taks yo: Ou dwe ajoute yon kontribyab kòm yon kliyan nan kont Sèvis sou Entènèt ou an anvan ou kreye yon POA nan non kliyan ou an.
Si ou pa pare pou depoze li sou fòm elektwonik
Ou kapab toujou ranpli Fòm POA-1 an gras ak aplikasyon wèb nou an. Annik enprime fòm lan, siyen li epi voye li dirèkteman bay Depatman Taks nan faks (prefere) oswa kourye lapòs.
Si ou toujou vle itilize fòm an papye a
- Ranpli fòm lan yon fason ki lizib.
- Siyen fòm lan epi mete dat sou li.
- Kenbe yon kopi fòm lan pou dosye ou.
- Voye fòm ou an dirèkteman nan Depatman Taks nan faks (prefere) oswa kourye lapòs, men se pa toude.
| Voye li nan faks bay: | 518-435-8617 |
|---|---|
| Voye li nan kourye lapòs: | NYS TAX DEPARTMENT POA CENTRAL UNIT W A HARRIMAN CAMPUS ALBANY NY 12227-0864 |
Si ou pa voye li nan USPS, gade Piblikasyon 55, Sèvis Livrezon Prive Deziyen.
Remak: Pou zafè aplikasyon sipò timoun, rele nan 518-485-6820 pou w jwenn enstriksyon sou fason pou ranpli ak voye Fòm POA-1 an.
Fòm ET-14, Pwokirasyon pou Taks sou Pwopriyete
- Ranpli fòm lan yon fason ki lizib.
- Siyen fòm lan epi mete dat sou li.
- Kenbe yon kopi fòm lan pou dosye ou.
- Soumèt fòm ou an dirèkteman nan Depatman Taks nan faks (prefere) oswa kourye lapòs, men se pa toude.
| Voye li nan faks bay: | 518-435-8406 |
|---|---|
| Voye li nan kourye lapòs: | NYS TAX DEPARTMENT POA CENTRAL UNIT W A HARRIMAN CAMPUS ALBANY NY 12227-0864 |
Si ou pa voye li nan USPS, gade Piblikasyon 55, Sèvis Livrezon Prive Deziyen.
GET FORM ET-14 (JWENN FÒM ET-14 LA)
Lòt dokiman
Soumèt youn nan lòt dokiman ki akseptab yo nan faks (prefere) oswa kourye lapòs, men se pa toude.
| Voye li nan faks bay: | 518-435-8617 |
|---|---|
| Voye li nan kourye lapòs: | NYS TAX DEPARTMENT POA CENTRAL UNIT W A HARRIMAN CAMPUS ALBANY NY 12227-0864 |
Si ou pa voye li nan USPS, gade Piblikasyon 55, Sèvis Livrezon Prive Deziyen.
Pou nou trete youn nan dokiman sa yo, ou dwe bay enfòmasyon sa yo tou si yo pa parèt sou dokiman ou an:
- nimewo idantifikasyon kontribyab la, tankou yon nimewo Sekirite Sosyal oswa EIN;
- nimewo telefòn ou;
- adrès ou; ak
- adrès, ak lòt kowòdone reprezantan an (oswa fidisyè a).
Remak: Fòm IA 900 se pwokirasyon Depatman Travay pou asirans chomaj sèlman. Ale nan Depatman Travay: Fòm ak Piblikasyon Patwon pou jwenn adrès postal ki pi resan an.
Tan pou tretman an
Ou kapab soumèt dokiman pwokirasyon ou yo sou entènèt (prefere), nan faks, oswa kourye lapòs.
| Si ou soumèt fòm ou ranpli a | n ap travay sou pwokirasyon ou an nan espas |
|---|---|
| anliy | yon jou ouvrab. |
| nan faks | de (2) a twa (3) jou ouvrab. |
| nan kourye lapòs | sèt (7) a dis (10) jou ouvrab. |
Pa bliye—asire ou siyen fòm ou an epi mete dat sou li, sinon yo pa p konsidere li ranpli epi yo pa p travay sou li.
Fason pou w anile yon pwokirasyon oswa sispann reprezantasyon an
Anvan ou anile oswa anvan reprezantan ou an retire kò li
Anvan ou anile yon pwokirasyon (POA) oswa anvan reprezantan ou an retire kò li, ou ta dwe konnen enfòmasyon sa yo.
- Depoze yon Fòm POA-1 yo te kreye gras ak aplikasyon wèb POA a sinon vèsyon an papye (6/17) pa p tou anile yon POA ou te depoze deja nan Depatman Taks pou menm zafè yo.
- Si ou itilize aplikasyon wèb POA a pou w kreye Fòm POA-1 an, itilize seksyon enfòmasyon POA a nan premye paj aplikasyon an pou w anile yon POA ou depoze deja nan Depatman Taks pou menm zafè yo.
- Si ou itilize vèsyon (6/17) Fòm POA-1 an, koche kaz nan seksyon 4 la ki endike ou gen POA yo nan dosye pou menm zafè yo epi ou vle anile yo.
- Si ou depoze yon POA nan vèsyon (9/10) oswa vèsyon anvan Fòm POA-1 an, ou pral anile tout POA ou depoze deja nan Depatman Taks pou menm zafè yo.
- Si ou depoze yon pwokirasyon ki pa Fòm POA-1 an, ou pral otomatikman anile yon POA ou depoze deja nan mezi ou presize a.
- Si ou te nonmen plizyè moun sou yon POA, ou pa kapab anile otorizasyon sèlman youn nan moun ou endike yo. Lè ou anile otorizasyon nenpòt nan reprezantan yo, sa pral anile POA a pou tout reprezantan ki endike nan POA sa a. Ou dwe depoze yon nouvo POA pou reprezantan ou vle kenbe yo.
- Si ou te nonmen plizyè moun sou yon POA epi youn nan yo retire kò li, POA ou an ap vin pa valid. Ou pral oblije depoze yon nouvo POA pou reprezantan ou vle kenbe yo.
- Yon POA pa valid apre lanmò ou (kontribyab la).
Anilasyon kontribyab la
Si ou se yon kontribyab ki te bay otorizasyon gras ak yon pwokirasyon, ou kapab anile otorizasyon an.
Remak: Reprezantan yo pa kapab anile; yo dwe retire kò yo. Gade Fason pou reprezantan an retire kò li.
Ou menm—ki se kontribyab la—kapab anile li nan youn nan fason sa yo:
Opsyon 1: Voye yon kopi POA ou depoze deja ki anile a bay Depatman Taks.
Ou pral oblije:
- fè yon kopi POA ou depoze deja a;
- ekri “Anile” anlè kopi a; epi
- siyen anlè kopi ou anile a epi mete dat sou li.
Pou w wè yon egzanp Fòm POA-1 ou anile kòmsadwa a, gade Egzanp: anile.
Opsyon 2: Voye yon deklarasyon anilasyon bay Depatman Taks.
Si ou pa gen yon kopi POA ou depoze deja a, ou ta dwe voye yon deklarasyon anilasyon:
- idantifye POA ou depoze deja ou vle anile a; epi
- di li pa an vigè ankò.
Si ou pa presize zafè ou anile yo, deklarasyon anilasyon w lan pral anile otorizasyon moun ou nonmen pou reprezante ou nan tout zafè devan depatman an.
Ou dwe siyen deklarasyon anilasyon an epi mete dat sou li epi mete:
- non ou, adrès ou, nimewo idantifikasyon kontribyab ou (tankou yon nimewo Sekirite Sosyal oswa EIN); epi
- non ak adrès chak reprezantan ou nonmen deja ou vle anile otorizasyon li an
Enpòtan—ou pa kapab anile yon pati nan yon POA. Si ou te nonmen plizyè reprezantan sou yon POA, epi ou chwazi anile youn ladan yo pi devan, anilasyon an pral aplike pou tout reprezantan ki sou POA sa a. Ou dwe depoze yon nouvo POA pou nonmen reprezantan ou vle pou kontinye reprezante ou yo.
Ou kapab voye yon deklarasyon anilasyon nan faks (prefere) oswa kourye lapòs, men se pa toude.
| Voye li nan faks bay: | 518-435-8617 |
|---|---|
| Voye li nan kourye lapòs: | NYS TAX DEPARTMENT POA CENTRAL UNIT W A HARRIMAN CAMPUS ALBANY NY 12227-0864 |
| Voye li nan faks bay: | 518-435-8406 |
|---|---|
| Voye li nan kourye lapòs: | NYS TAX DEPARTMENT POA CENTRAL UNIT W A HARRIMAN CAMPUS ALBANY NY 12227-0864 |
Si ou pa voye li nan USPS, gade Piblikasyon 55, Sèvis Livrezon Prive Deziyen.
Reprezantan an retire kò li
Si ou se reprezantan ki te resevwa otorizasyon gras ak yon pwokirasyon, ou kapab retire kò ou pou pa reprezante yon kontribyab.
Pou retire kò ou, ou dwe voye yon deklarasyon pou di ou retire kò ou bay Depatman Taks:
- pou idantifye zafè ou ap retire kò ou ladan an; epi
- pou di POA a pa an vigè ankò.
Si ou pa presize zafè ou ap retire kò ou ladan an, deklarasyon pou di ou retire kò w la pral retire otorizasyon ou genyen pou reprezante kontribyab la pou tout zafè devan depatman an.
Ou menm—ki se reprezantan an—dwe siyen deklarasyon anilasyon an epi mete dat sou li epi mete:
- non ou ak adrès ou; ak
- non, adrès, nimewo idantifikasyon kontribyab (tankou yon nimewo Sekirite Sosyal oswa EIN) kontribyab ou pa vle reprezante ankò a.
Pou w wè yon egzanp yon deklarasyon ki akseptab pou di ou retire kò ou, gade Egzanp: retire kò ou.
Enpòtan—Si ou te nonmen plizyè moun sou yon POA, ou menm (ki se reprezantan an) pa kapab retire tèt ou nan POA a san ou pa anile tout lòt moun ki endike yo. Kontribyab la dwe depoze yon nouvo POA pou li nonmen moun li vle pou kontinye reprezante li a.
Ou kapab voye yon deklarasyon pou di ou retire kò ou nan faks (prefere) oswa kourye lapòs, men se pa toude.
| Voye li nan faks bay: | 518-435-8617 |
|---|---|
| Voye li nan kourye lapòs: | NYS TAX DEPARTMENT POA CENTRAL UNIT W A HARRIMAN CAMPUS ALBANY NY 12227-0864 |
| Voye li nan faks bay: | 518-435-8406 |
|---|---|
| Voye li nan kourye lapòs: | NYS TAX DEPARTMENT POA CENTRAL UNIT W A HARRIMAN CAMPUS ALBANY NY 12227-0864 |
Si ou pa voye li nan USPS, gade Piblikasyon 55, Sèvis Livrezon Prive Deziyen.